Qeveria Rama miratoi vendimin që i hapi rrugën rritjes së pagave për punonjësit e Bashkive në të gjithë vendin. Me këtë vendim, prej 1 shtatorit, hyri në fuqi rritja e pagave në të gjitha bashkitë e vendit për kryebashkiakët, nënkryetarët, drejtorët dhe punonjësit e tjerë të pushtetit vendor.

Prej 1 shtatorit, paga minimale në të gjitha bashkitë e vendit nga 320 mijë lekë do të shkojë në 700 mijë lekë të vjetra. Konkretisht, për Bashkinë Tiranë kufiri minimal i pagës së kryetarit është 2 milion e 680 mijë lekë të vjetra ne muaj dhe ai maksimal 3 milion e 180 mijë lekë të vjetra në muaj.