Një aksident i rëndë ka ndodhur mëngjesin e sotëm në Valias, ku një automjet ka përplasur motorin.

Si pasojë e përplasjes ka ndërruar jetë drejtuesi i motorit 36-vjeçari me inicialet Y. L. Policia njofton se grupi hetimor ndodhet në vendngjarje dhe po punon për sqarimin e rrethanave të aksidentit.

“Më datë 25.09.2024, rreth orës 07:50, në Valias, mjeti me drejtues shtetasin Sh. S., është përplasur me motomjetin me drejtues shtetasin Y. L., 36 vjeç. Si pasojë e aksidentit drejtuesi i motomjetit ka ndërruar jetë në vendngjarje. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.