Llogaritja dimërore e kohës fillon më 27 Tetor dhe përfundon më 30 Mars të vitit 2025. Kjo do të thotë që më 27 tetor, ne do të lëvizim orën mbrapa për një orë, duke kaluar nga ora 03:00 në ora 02:00.

Llogaritja dimërore e kohës bën që ora të lëvizë mbrapa për një orë, duke bërë mëngjeset më të ndritura dhe pasditet më të errëta. Llogaritja dimërore lidhet me ciklin natyror të ditëve më të shkurtra të dimrit, duke përputhur oraret tona me ritmet natyrore të dritës dhe errësirës.

Llogaritja verore, në të dielën e fundit të Marsit, e zhvendos sërish orën një orë përpara për të shfrytëzuar më shumë dritën gjatë muajve të ngrohtë.

Përpjekjet e BE-së për t’i dhënë fund DST-së kanë ngecur

Në vitin 2019, Parlamenti Europian mbështeti një propozim nga Komisioni Evropian për të eliminuar DST-në në vendet anëtare të BE-së. Sidoqoftë, në vitin 2021, propozimi ngeci në Këshillin Evropian për shkak të shqetësimeve praktike për zbatimin e një ndryshimi të tillë.

Ndryshimi i mundshëm në Ukrainë

Në Korrik 2024, parlamenti i Ukrainës miratoi një ligj për të eliminuar zhvendosjen vjetore në DST. Edhe pse Ukraina është pjesë e Evropës, ajo nuk është anëtare e Bashkimit Evropian.

Derisa në vitin 2024, Ukraina ka ndjekur llogaritjen verore të kohës, me plane për të lëvizur orët mbrapa një orë në kohën e Evropës Lindore, së bashku me shumicën e vendeve evropiane, më 27 Tetor, tani, sipas ligjit të ri, Ukraina do të qëndrojë në kohën e Evropës Lindore gjatë gjithë vitit dhe nuk do të zbatojë më llogaritjen verore të kohës.

Megjithatë, ekziston mundësia që vendimi i parlamentit të ndryshohet. Në momentin e publikimit të këtij lajmi, statusi i ligjit të ri është listuar si “në përgatitje për nënshkrim.” /MeteoKosova